Ponda Cleanliness Campaign: फोंड्यात लष्करी तळातर्फे स्वच्छता मोहिमेंतर्गत विविध ठिकाणी साफसफाईचे काम हाती घेण्यात आले. लष्कराच्या जवानांकडून ही स्वच्छता करण्यात आली.

कर्नल जसविंदर सिंग यांच्या मार्गदर्शनाखाली ही स्वच्छता मोहीम राबवण्यात आली. स्वच्छता मोहिमेतून जनजागृती व्हावी व परिसर स्वच्छ सुंदर व्हावा या संकल्पनेतून जवानांनी ही मोहीम राबवली.

दरम्यान, फोंड्यातील सहा टीटीआर लष्करी तळातर्फे जवानांसाठी प्लास्टिक निर्मूलनासंबंधी उपयुक्त माहिती देण्यात आली. लेफ्टनंट कर्नल ए. प्रभू, सुभेदार सुखबीर सिंग, सुभेदार शिंदे तसेच वाय. ए. नायडू यांनी कर्नल जसविंदर सिंग यांच्या सूचनेनुसार जवानांना मार्गदर्शन केले.