Goa Police: पोलिस खात्यात कॉन्स्टेबलची नोकरी मिळवण्यासाठी दहावी उत्तीर्ण असल्याचे बनावट प्रमाणपत्र सादर केल्याप्रकरणी हवालदार शांबा पेडणेकर याला ताबडतोब बडतर्फ करण्यात आले.

पेडणेकर याने मार्च 1996 मध्ये पोलिस खात्यात भरती होण्यासाठी दहावी उत्तीर्ण झाल्याचे बनावट प्रमाणपत्र सादर केले होते.

नंतर कागदपत्रांची खात्री करताना हेच प्रमाणपत्र त्याने पोलिस खात्याच्या नोकर भरती समितीलाही सादर केले होते. त्यामुळे समितीची फसवणूक झाली असून भादंसंच्या कलम 468, 461, 420 अंतर्गत तक्रार नोंद केली आहे.

हे बनावट प्रमाणपत्र सडये-शिवोली येथील शांता विद्यालयाचे असून त्यावर मुख्याध्यापकांची सही आहे. तसेच दहावीच्या परीक्षेत 69 टक्के गुण मिळवल्याची माहिती दिली आहे.