Goa Bicholim Job Scam Suspect Priya Naik And Suspended Constable

डिचोली: नोकरी देतो, असे सांगून लाखो रुपयांची अनेकांची फसवणूक केल्याप्रकरणी पोलिस प्रिया नाईक नामक महिलेच्या शोधात असून, या प्रकरणातील मास्टरमाईंड आणि सध्या निलंबित असलेला पोलिस कॉन्स्टेबल रोहन वेंझी याची चौकशी सुरू असल्याची माहिती मिळाली आहे.

रोहन वेंझी हा निलंबित पोलिस कॉन्स्टेबल सध्या फरार असलेल्या ‘प्रिया नाईक’ या महिलेला पैसे मिळवून देण्यासाठी मदत करीत होता, असा आरोप आहे. या प्रकरणात प्रिया हिच्या आमिषाला बळी पडलेल्या डिचोलीतील एका महिलेला म्हापसा पोलिसांनी चौकशीसाठी बोलाविले आहे, अशी खात्रीलायक माहिती सूत्रांकडून मिळाली. नोकरीच्या आशेने एका महिलेने रोहन वेंझी या पोलिस कॉन्स्टेबलच्या खात्यात पाच लाखांहून अधिक पैसे ट्रान्सफर केले आहेत.

दरम्यान, प्रिया नाईक हिचा अद्यापही थांगपत्ता लागला नसल्याने तक्रारदार पोलिस तपासाबाबत संशय व्यक्त करू लागले आहेत. दुसरीकडे संशयित महिला पोलिसांच्या जाळ्यात अडकणार, असा विश्वास पोलिसांनी व्यक्त केला आहे.