वास्को: दाबोळी विमानतळ ते वास्को वरुणापूरीपर्यन्त राष्ट्रीय महामार्गावर बेकायदेशीरपणे वाहने पार्क केलेल्या रेंट अ कार, पर्यटक टॅक्सी यांच्यावर दंडात्मक कारवाई सुरु आहे. ही कारवाई अशाच प्रकारे सुरु राहणार असल्याची माहीती वास्को पोलिसांतर्फे देण्यात आली आहे.

(Police action against illegal taxi parking on National Highway 17A Dabolim airport to Vasco )

दाबोळी विमानतळ ते वास्को वरुणापुरीपर्यन्त राष्ट्रीय महामार्ग (17 अ) वर बेकायदेशीररित्या पर्यटक टॅक्सी, रेंट अ कार व इतर वाहने पार्क करून वाहतुक नियमांचे उल्लघन करीत असल्याने अशा वाहनावर वास्को पोलिसांनी कारवाई सुरु केली आहे. या कारवाईत गेल्या दोन दिवसांपासून सुमारे 37 वाहनावर दंडात्मक कारवाई केली.

(Police action against illegal taxi parking on National Highway 17A Dabolim airport to Vasco)

वास्को पोलिसांनी दाबोळी विमानतळ परिसरात चोरट्यामार्गाने व्यवसाय करणाऱ्या पर्यटक टॅक्सी, रेंट अ कार व इतर वाहनावर 34 (3),199,117 वाहतुक नियमाखाली कारवाई केली. दाबोळी ते वास्को, वरुणापुरी, गांधीनगर राष्ट्रीय महामार्गावर बेशिस्तपणे व धोकादायक ठिकाणी पार्क करणाऱ्या सर्व प्रकारच्या वाहनावर दंडात्मक कारवाईची मोहीम या पुढेही सुरुच राहणार अशी माहिती पोलिसांनी दिली आहे.