बोरी: ढवळी-फोंडा तिठ्याच्या रस्त्यावरील संरक्षक बेटावर अनेक वाहनांच्या धडका बसून या संरक्षक बेटाची दुर्दशा झालेली आहे. संरक्षक बेटावरील दिशादर्शक फलकही मोडून वाकडे झाल्याने वाहनचालकांची गैरसोय होत आहे.(The plight of the protective wall at ponda - Dhawali Road)

बोरीहून फोंड्याला जाणाऱ्या हमरस्त्यावर ढवळी फर्मागुढी बगल रस्त्याच्या तिठ्यावर संरक्षक बेटे बांधण्यात आली आहेत. या संरक्षक बेटावर अनेक वाहनांनी गेल्या काही वर्षांपासून धडका देऊन ही संरक्षक बेटे नादुरुस्त बनून संरक्षक बेटाच्या धडा कोसळून गेलेल्या आहेत. संरक्षक बेटाच्या मधल्या संरक्षक बेटावर फोंडा, मडगाव भागात जाणाऱ्या भागाचा सिग्नल आहे ते मध्यंतरी पडून जमीनदोस्त झाले होते. ‘गोमन्तक’ने यासंबंधीचे वृत्त छायाचित्रासह प्रसिध्द करताच संबंधितानी हा जमीनदोस्त फलक दगडाला लावून उभा करून ठेवला होता. आता हा फलक पुन्हा पडलेल्या स्थिती आहे. त्यामुळे या दर्शक फलकाचा काहीच उपयोग होत नाही. दुर्दशा झालेल्या संरक्षक बेटामुळे वळसा घेऊन जाणाऱ्या वाहनांना बरेच त्रास होतात.