नेत्रावळी अभयारण्यातील साळजीणी येथे शिकार करून पार्टी करण्यासाठी गेलेल्या सोळा जणांना वन खात्याने पाच काडतूससह रंगेहाथ पकडले. पकडलेले आरोपी हे कदंब महामंडळाचे कर्मचारी असून ते रानटी जनावरांची शिकार करून पार्टी करण्यासाठी गेले होते.
कदंब महामंडळाचे सांगे भागातील कर्मचारी विशेषतः वाहन चालक, वाहक पार्टी करण्यासाठी नेत्रावळी अभयारण्यातील साळजीणी येथे शनिवारी रात्री 9.30 च्या दरम्यान टप्याटप्यांने जात होते.
त्यामुळे वन कर्मचाऱ्यांना संशय आला. वन खात्याचे कर्मचारी गस्तीवर गेले असता त्यांनी या सोळा लोकांना शिकारीला गेले असता पकडले.
अजून दोघेजण पळून गेल्याची शक्यता वन खाते पडताळून पाहत आहे. वन खात्याकडून वन्यजीव संरक्षण कायद्याअंतर्गत गुन्हा नोंद करण्यात आला आहे.
वन्यजीव विभागाचे सहाय्यक वनपाल दामोदर सालेलकर यांच्या मार्गदर्शनाखाली नेत्रावली अभयारण्याचे आरएफओ देविदास वेळीप पुढील तपास करीत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.