Piyush Goyal in Goa: गोव्याच्या पर्यटन क्षेत्रासोबतच राज्यातील औद्योगिक विकासासाठी राज्य आणि केंद्र सरकार नेहमीच तत्पर आहे. याचसंदर्भात केंद्रीय वाणिज्य आणि उद्योग मंत्री पियूष गोयल आज गोव्यात दाखल झाले आहेत. उद्योग मंत्री माविन गुदीन्हो आणि वास्कोचे आमदार कृष्णा साळकर यांनी त्यांचे विमानतळावर स्वागत केले.

याबाबत मंत्री माविन गुदीन्हो यांनी या भेटीबद्दल माहिती दिली. ते म्हणाले की, पियूष गोयल हे राज्यातील विविध भागधारक आणि औद्योगिक संस्थांना भेटून उद्योगांच्या वाढीचा आढावा घेऊन विश्लेषण करणार आहे. ते गोव्यातील पर्यावरणास अनुकूल उद्योग आणण्यासाठी काम करतील.

2 आणि 3 जून 2023 या कालावधीत ते विविध विकास योजनांच्या प्रगतीचा आढावा घेणार असून प्रमुख भागधारकांशी संवाद साधणार आहेत.

गुदीन्हो यांनी सांगितल्याप्रमाणे, मंत्री पियूष गोयल हे भागधारक आणि औद्योगिक संस्थांच्या समस्या आणि त्यांचे प्रश्न जाणून घेणार आहे. तसेच ते भारताच्या G20 अध्यक्षतेखाली आयोजित स्टार्टअप 20 गट बैठकीलाही उपस्थित राहणार आहेत.