मडगाव: नगरनियोजन खाते संभाळणारे उपमुख्यमंत्री बाबू कवळेकर यांचे अगदी जवळचे समर्थक असलेले केपेचे विद्यमान नगरसेवक आणि माजी नगराध्यक्ष फिलू डिकॉस्ता यांनी ग्रेटर पणजी (Panjim) पीडीएच्या सदस्यपदाचा आज राजीनामा दिला.

डिकॉस्ता हे तीनवेळा केपे पालिकेवर निवडून आलेले असून कवळेकर यांचे विश्वासू म्हणून त्यांची या पदावर नियुक्ती केली होती. मात्र कवळेकर भाजपात असल्याने डिकॉस्ता याना आता निवडणुकीच्या काळात त्यांच्याबरोबर राहणे राजकीयदृष्ट्या परवडण्यासारखे नसल्याने त्यांनी हा राजीनामा दिल्याचे सांगितले जाते. या संबंधी डिकॉस्ता याना विचारले असता आपल्या राजीनाम्यामागे वैयक्तिक कारण असल्याचे त्यांनी सांगितले.