Goa Crime News: अमली पदार्थांच्या तस्करीविरोधी सरकारने कारवाईचा जोर धरला आहे. याबाबतच पर्रा येथे मुंबईतील एकजण ड्रग्ज पुरवत असल्याची माहिती पोलिसांना मिळाली होती. यानंतर सापळा रचत गुन्हे शाखेने आरोपीळा ताब्यात घेतले आहे.

उपलब्ध माहितीनुसार, पर्रा येथील होली क्रॉसजवळ पोलिसांनी स्टॅन्ली कार्व्हालो (50, मुंबई) याला अटक केली आहे. स्टॅन्ली हा सध्या गिरी येथे राहतो. पोलिसांना मिळालेल्या माहितीनुसार तो ग्राहकाला अमली पदार्थ पुरवण्यासाठी आला होता. यावेळी पोलिसांनी त्याला रंगेहात पकडले आहे.

त्याच्याकडून एम्फेटामाइन आणि एक्स्टसी टॅब्लेट असा तब्बल 2.50 लाखांचा अमली पदार्थांचा साठा जप्त करण्यात आला आहे. दरम्यान, त्याचा इतर कोणत्या गुन्ह्यांमध्ये सहभाग आहे का, याचा पोलीस तपास करत आहेत. पुढील कारवाई सुरू.