पेडणे: थिवी येथील वीज केंद्रातून वीजपुरवठा करणाऱ्या यंत्रणेत बिघाड झाल्याने संध्याकाळी 6 वाजल्यापासून पेडणे तालुक्यातील वीजपुरवठा खंडीत झाल्याने पेडणे तालुका तीन तास अंधारात होता. रात्री 9.15 वाजता पेडणे वीज कार्यालयाच्या साहाय्यक अभियंत्याशी संपर्क साधला असता वीज पुरवठ्यातील दोष सापडला असून दुरुस्तीचे काम सुरू असून अर्ध्या एक तासात वीज पुरवठा सुरु होइल, असे त्यांनी सांगितले. सुमारे साडेचार तास वीज नसल्याने सर्व व्यवहार ठप्प झाले. रात्री 9.30 वाजता वीज पुरवठा सुरू झाला तरी वारंवार वीज खंडीत होत होता. दुरुस्तीसाठी 23 रोजी पेडण्यातील बऱ्याच भागात वीज खंडीत ठेवण्यात येणार आहे.