Pernem Accident: दुचाकीवरून रस्ता क्रॉस करताना ट्रकने धडक दिल्याने मोपा, पेडणे येथील युवकाचा जागीच मृत्यू झाला आहे. युवक पणजीच्या दिशेने जात असताना कणकवलीच्या दिशेने जाणाऱ्या भरधाव ट्रकने दिलेल्या धडकेत युवक गंभीर जखमी झाला. रात्री उशीरा हा अपघात झाला.

(Pernem Youth died in road accident)

मिळालेल्या माहितीनुसार, कडशी मोपा येथील युवक दुचाकीवरून पणजीच्या दिशेने जात होता. दरम्यान, रस्ता क्रॉस करत असताना दुचाकीला भरधाव ट्रकने धडक दिली.

या धडकेत गंभीर जखमी झालेल्या युवकाचा मृत्यू झाला आहे. कणकवली येथील असणारा हा ट्रक सिंधुदुर्गात जात होता. सेंट्रिगच्या कामासाठी वापरण्यात येणाऱ्या स्टील रॉडची वाहतूक त्यातून केली जात होती.