मोरजी, पेडणे मतदारसंघातील एका सरकारी शाळेतील क्रीडा प्राधिकरण प्रशिक्षकाने त्याच हायस्कूलच्या विद्यार्थिनीचे अपहरण करून तिचा विनयभंग करण्याचा प्रयत्न केल्याबद्दल मोपा पोलिसांनी त्‍याच्‍याविरोधात भारतीय दंडसंहितेच्‍या ३६३, ३५४, ३७६ कलमांनुसार तसेच गोवा बालकायद्यानुसार गुन्हा नोंद केला आहे.
मिळालेल्‍या माहितीनुसार, शूटिंग बॉलचे प्रशिक्षण देणारा क्रीडा प्राधिकरण विभागाचा एक शिक्षक या हायस्कूलमध्ये मागच्या दोन वर्षांपासून विद्यार्थ्यांना शूटिंग बॉलचे प्रशिक्षण देत आहे.
त्या हायस्कूलमध्ये आठवीत शिकणाऱ्या एका विद्यार्थिनीचे अपहरण करून तिचा विनयभंग करण्याचा प्रयत्न केल्याची तक्रार मुलीच्‍या आईवडिलांनी पोलिसांत दाखल केल्‍यावर तपासाची चक्रे फिरली. संशयित आणि विद्यार्थिनी यांच्यात इंस्टाग्राम, व्हॉट्स-अॅपवर चॅटिंग सुरू होते, अशी माहिती उपलब्ध झाली आहे.
दरम्यान, हे प्रकरण दडपण्‍यासाठी राजकीय दबाव वाढत असल्याची खात्रीलायक माहिती सूत्रांकडून मिळाली आहे. दोषीविरोधात योग्य कारवाई केली नाही तर पोलिस स्टेशनवर धडक देण्‍यचा इशारा पालकांनी दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.