म्हापसा: चंदगड-महाराष्ट्रातील अकरा युवक पर्यटकांच्या गटास म्हापशातील एका कथित पार्लरमध्ये मारहाण करून, त्यांची लुबाडणूक करण्यात आली होती. या प्रकरणातील, त्या कथित पार्लरची चालक सरीना डिकुन्हा हिचा अटकपूर्व जामीन म्हापसा येथील फास्ट ट्रक न्यायालयाने मंजूर केला.

(Parlor owner granted anticipatory bail in goa)

या प्रकरणात स्वतःची अटक टाळण्यासाठी पार्लर चालक डिकुन्हा यांनी अटकपूर्व जामिन अर्ज न्यायालयात केला होता. या सुनावणीनंतर 50 हजारांची बॉण्ड व तितक्याच रक्कमेचा हमीदाराच्या हमीनुसार हा अटकपूर्व जामिन अर्ज न्यायाधीश शर्मिला पाटील यांनी मंजूर केला.

अर्जदाराने चौकशी अधिकाऱ्यांना सहकार्य करावे. तसेच आरोपपत्र सादर होईपर्यंत चौकशीसाठी बोलविले असता पोलिस स्थानकात हजेरी लावावी इत्यादी अटी न्यायालयाने जामिनाला दिल्या आहेत.