school
school 
गोवा

खांडेपार शाळेत "ट्यूशन फी' भरण्यास पालकांकडून नकार

Nishit Tari

पाळी,   कोरोनाच्या महामारीमुळे सध्या शैक्षणिक वर्षावर आफत आली आहे. शाळा, विद्यालये बंदच आहेत, मात्र राज्य सरकारच्या शिक्षण खात्याने मुलांना ऑनलाईन शिक्षण पद्धतीचा अवलंब करण्याची सूचना शाळा, विद्यालयांना केली आहे. शाळा विद्यालयांत विद्यार्थ्यांसाठीचे पालकांकडून कोणतेच शुल्क स्विकारू नये, असे खुद्द मुख्यमंत्री तथा शिक्षण खात्याचा ताबा असलेले डॉ. प्रमोद सावंत यांनी सांगितले आहे, मात्र काही खाजगी संस्थांच्या शाळांकडून पालकांकडून ट्यूशन फी भरण्यासाठी तगादा लावला जात आहे.
फोंडा तालुक्‍यातील काही खाजगी शिक्षण संस्थांत ही परिस्थिती असून खांडेपार येथील एका खाजगी शिक्षण संस्थेच्या प्राथमिक वर्ग चालवणाऱ्या विद्यालयाकडून तर जून, जुलै व ऑगस्ट या तीन महिन्यांचे साडेसातशे रूपये पालकांनी त्वरित भरावेत, अशी नोटीस दिली आहे.
एका बाजूला कोरोनाची महामारी, लॉकडाऊनमुळे नोकरी व व्यवसायावर गंडांतर आले आहे. रोजीरोटीचा प्रश्‍न निर्माण झाला आहे, खिशात पैसा नसल्याने कसाबसा संसार चालवणाऱ्या पालकांना आता ही फी भरणे म्हणजे आर्थिक भूर्दंड असून शाळा, विद्यालये काही सुरू झालेली नाहीत, त्यामुळे ट्यूशन फी कशी काय भरायची, असा सवाल या विद्यालयाच्या पालकांनी केला आहे.
नियमित शैक्षणिक वर्ष सुरू झाल्यानंतर ट्यूशन फी भरायला आम्ही तयार आहोत, पण आता कोरोनामुळे शाळा, विद्यालये बंदच असल्याने ट्यूशन फी माफ करावी, अशी जोरदार मागणी या पालकांकडून करण्यात येत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Also Read

Karnataka Sex Scandal Case : कर्नाटकातील सेक्स स्कँडल प्रकरणाचा गोव्यावर परिणाम नाही : सदानंद तानावडे

Goa Today's Live News: इंडिया आघाडीचे सरकार सत्तेत आल्यानंतर किमान 10-15 राज्यातील सरकार कोसळतील - पवन खेरा

Loksabha Election : प्रचारासाठी पायाला भिंगरी, जनसामान्‍यांना भेटीची आस; पल्‍लवी धेंपे यांचा प्रचार

Margao News : मतदानाला प्रेरित करण्‍यास पॅरा ग्‍लायडर्सचा वापर : आश्‍वीन चंद्रू

Heavy Rainfall in Brazil: ब्राझीलमध्ये पावसाचा कहर, दक्षिणेकडील राज्यात 10 जणांचा मृत्यू; राज्यपालांनी दिला आपत्तीचा इशारा

SCROLL FOR NEXT