राज्यात पर्यटकांची संख्या वाढत आहे. त्यामुळे वाहनांची गर्दी वाढत आहे. अनेक ठिकाणी पर्यटकांसोबत स्थानिक ही वाहतुकीचे नियम मोडताना दिसत आहेत. राज्याच्या राजधानीत बेशिस्त पार्किंगमुळे पणजीतील 18 जून मार्गावर वाहतूक कोंडी झाल्याचे पाहायला मिळाले. यामुळे वाहन चालकांत संताप पाहायला मिळाला. वाहतूक प्रश्न दिवसेंदिवस गंभीर होताना दिसत आहे. वाहतूक विभागाकडून अनेक ठोस पावले उचलली गेली आहेत. मात्र तरीदेखील वाहतूक प्रश्न सुटताना दिसत नाही. बेशिस्त पार्किंगमुळे अनेक समस्या निर्माण होताना दिसत आहेत.

दरम्यान, बेशिस्त पार्किंगमुळे वाहनांच्या रांगा लागल्याची माहिती मिळताच पणजी (panaji) पोलिसांनी (police) घटनास्थळी जाऊन वाहतूक कोंडी सोडवली. मात्र यानंतर देखील काही काळ वाहतूक कोंडी आढळून आली.

दरम्यान, गावातील अंतर्गत रस्त्याने नियमबाह्य खनिज वाहतूक नकोच. या भूमिकेशी मयेवासीय ठाम राहिल्याने डिचोलीच्या (Bicholim) उपजिल्हाधिकाऱ्यांसमवेत झालेल्या संयुक्त बैठकीत खनिज वाहतुकीसंदर्भात कोणताही ठोस निर्णय होऊ शकला नसल्याने बैठक निष्फळ ठरली आहे.

मयेतील अंतर्गत रस्त्यावरून बेकायदा खनिज वाहतूक सुरू झाल्यास ती रोखून धरण्यात येईल. पोलिस बळाचा वापर करून खनिज वाहतूक (traffic) सुरू करण्याचा प्रयत्न केल्यास तोही हाणून पाडण्यात येईल, असा इशारा मयेवासीयांनी दिला आहे. त्यामुळे मयेतील खनिज वाहतुकीसमोरील संकट कायम आहे.