Panaji Temperature : पणजीत आज तापमानाचा पारा चढल्याचे चित्र दिसून आले. त्यामुळे पणजीतील नागरिकांचे उष्णतेने हाल झाले. पणजीत आज सोमवारी 37.9 डिग्री अंश सेल्सिअस तापमानाची नोंद झाली आहे.

गेल्या 33 वर्षांतील केवळ फेब्रुवारी महिन्यातील हे सर्वाधिक तिसऱ्या क्रमांकाचे तापमान ठरले आहे. 1999 साली 37.7 तर 2001 मध्ये 37.4 इतकी नोंद होती.

पणजी, मुरगाव आणि आसपासच्या परिसरात 15 फेब्रुवारी पर्यंत 36 डिग्री ते 22 डिग्री अंश सेल्सिअस कमाल आणि किमान तापमान राहण्याची शक्यता हवामान विभागाने वर्तवली आहे.

पणजीत मागील 24 तासात कमाल तापमान 37.9 डिग्री अंश सेल्सिअस तर किमान तापमान 21.8 नोंदवण्यात आले आहे. तर मुरगावमध्ये मागील 24 तासात कमाल तापमान 34.2 डिग्री अंश सेल्सिअस तर किमान तापमान 22.4 नोंदवण्यात आले आहे.