Panjim Police Station Attack Case: पणजी पोलीस स्‍थानक हल्‍ला प्रकरणात महसूलमंत्री बाबूश मोन्‍सेरात आणि त्‍यांच्‍या आमदार पत्‍नी जेनिफर मोन्‍सेरात या दोघांनाही दक्षिण गोव्‍याचे खास न्‍यायाधीश इर्शाद आगा यांनी तात्‍पुरता दिलासा देताना बाबूशना तीन तर जेनिफरना दोन महिने या प्रकरणाच्‍या सुनावणीस गैरहजर रहाण्‍याची मुभा दिली.

2008 साली झालेल्‍या या प्रकरणाची सुनावणी राजकारण्‍यांचे खटले हाताळणारे खास न्‍यायाधीश इर्शाद आगा यांच्‍यासमोर चालत असून या प्रकरणाच्‍या सुनावणीस आपल्‍याला कायमस्‍वरुपी गैरहजर रहाण्‍याची परवानगी द्यावी अशी मागणी मोन्‍सेरात दाम्‍पत्‍याने केली होती. ही मागणी अशंत: मान्‍य करताना वरील आदेश दिला.

या प्रकरणाची पुढील सुनावणी आता 24 जानेवारी रोजी ठेवण्‍यात आली आहे. या प्रक़रणात बाबूश व जेनिफर यांच्‍या व्‍यतिरिक्‍त आणखी 35 संशयितांवर सीबीआयने आरोपपत्र ठेवले आहे.