पणजी: खरेदीदाराच्या नावे करण्यापूर्वी फेरीबोटीची बंदर कप्तान खात्याकडून पाहणीसाठी आणलेली आणि मांडवी नदीत बुडालेल्या खासगी प्रवासी बोटीला सहा दिवस झाले तरी ती काढण्यासाठी मालकाकडून हालचाली होत नसल्याचेच दिसत आहे. विशेष बाब म्हणजे पाण्याबाहेर बोटीच्या दिसणाऱ्या भागावर इतर बोटींना धोक्याची सूचना देण्यासाठी लाल दिवा लावणे आवश्यक होते, तोही लावला गेला नसल्याचे दिसत आहे.
चोडण जेटीजवळ मागील महिन्यात नांगरून ठेवलेली नदी परिवहन खात्याची फेरीबोट बुडाल्यानंतर चारीबाजूने खात्यावर टीका होत होती. बोट कधी काढली जाणार असा सवाल सतत विचारला जात होता.
खासगी मालकाची ही बोट असल्याने बंदर कप्तान खात्याकडून ती बोट नांगरण्यासाठी परवानगी घेतली असावी असे दिसते. खरेदीदाराला ती विक्री करण्यापूर्वी जे काही बंदर कप्तान खात्याअंतर्गत जे कागदोपत्री सोपस्कार करावे लागतात, त्यासाठी ती आणली होती, अशी माहिती पुढे आली आहे.
त्यामुळे बंदर कप्तान खात्याने संबंधित मालकाच्या मागे लागून ती बोट काढून घ्यायला हवी होती. मात्र अजून हालचाली दिसत नसल्याचे चित्र आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.