Garba In Goa: पणजी गुजराती समाज मंडळाच्या गरबा आणि रास दांडियाला यंदा पंचवीस वर्षे पूर्ण होत आहेत, या निमित्ताने भव्य कार्यक्रमाचे आयोजन केले होते. यासाठी केंद्रीय मंत्री पुरुषोत्तम रुपाला यांनीही हजेरी लावली होती.

या सोहळ्यात दांडिया आणि गरबाशी निगडीत गुजराती, हिंदी आणि मराठी, कोकणीतील सुमारे दीडशे गाण्यांवर स्पर्धकांसह उपस्थित आबालवृद्धांनी ठेका धरला.

यावेळी भाजपचे अध्यक्ष सदानंद शेट तानावडे, दामू नाईक, मंडळाचे अध्यक्ष लता पारेख यतीन पारेख तुषार जोशी, तेजस भट, भाविका शहा, काजल शहा, मुकेश देसाई, नरेश इराणी, अनुपमा पारेख, निखिल शहा उपस्थित होते.

यावेळी बोलताना केंद्रीय मंत्री रुपाला म्हणाले,गुजराती समाजाची आपली संस्कृती जपण्याचा सातत्याने प्रयत्न केला आहे. त्यांचे एकूण समाजाच्या जडणघडणीत व गोव्यात योगदान महत्त्वाचे आहे. गुजराती समाजाच्या कामांना शुभेच्छा, यापुढेही समाजाने राज्याच्या उन्नतीसाठी कार्यरत रहावे,असेही ते म्हणाले.