Panaji : गोव्यातील विद्यार्थ्यांना तंत्रज्ञान तज्ज्ञ बनण्यासाठी डिजिटल गोवा युथ परिषदेच्या शिष्यवृत्तीचा लाभ होणार आहे. शिष्यवृत्तीमुळे विद्यार्थ्यांना अभ्यासक्रमांमध्ये प्रवेश मिळेल, ज्यामुळे त्यांची कौशल्ये वाढतील आणि त्यांना उद्योगासाठी तयार करण्यासाठी मदत मिळेल, अशा प्रकारे ते गोव्याच्या तंत्रज्ञान उद्योगाच्या वाढीसाठी आणि विकासात योगदान देण्यास सक्षम होतील, असे मत मुख्यमंत्री डॉ. प्रमोद सावंत यांनी व्यक्त केले.
श्यामाप्रसाद मुखर्जी स्टेडियममध्ये 'डिजिटल गोवा युथ परिषद’ ‘न्यूटन स्कूल’ या संस्थेने गोवा सरकारच्या उच्च शिक्षण संचालनालयाच्या सहकार्याने आयोजित केली होती. यावेळी मुख्यमंत्री प्रमोद सावंत, उच्च शिक्षण संचालनालयाचे संचालक प्रसाद लोलयेकर, न्यूटन स्कूलचे संस्थापक, सिद्धार्थ माहेश्वरी आणि निशांत चंद्रा उपस्थित होते. यावेळी पाच हजारांहून अधिक विद्यार्थ्यांनी लाभ घेतला.
शिष्यवृत्ती कार्यक्रमाचा एक भाग म्हणून, न्यूटन स्कूल १२ -आठवड्याचे कोडिंग आणि माइंडसेट बूटकॅम्प आयोजित करेल. बूटकॅम्प ३१ मार्च रोजी सुरू होईल आणि प्रोग्रामिंग शिकण्यासाठी आवश्यक गणित आणि तर्कशास्त्राची योग्यता आणि के -१० स्तर विकसित करेल.
बूटकॅम्प यशस्वीरित्या पूर्ण केल्यावर, विद्यार्थी ६ महिन्याच्या फ्लॅगशिप कोर्सेससाठी विनामूल्य नावनोंदणी करू शकतील आणि गुगल, मायक्रोसॉफ्ट आणि ॲमेझॉन सारख्या उद्योग तज्ज्ञांकडून शिकू शकतील. तसेच विद्यार्थ्यांना न्यूटन स्कूलच्या २०००+ भागीदारांसह त्याचे टेक करिअर वाढवण्यासाठी लाभ होईल, असेही यावेळी आयोजकातर्फे सांगण्यातआले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.