Paroda Fatal Accident

पारोडा: ओव्हरटेकचा मोह दुसऱ्याच्या जीवावर बेतल्याची घटना पारोडा येथून समोर आली आहे. आज (२५ डिसेंबर) सकाळी ८.४५ वाजता झालेल्या अपघातात ४१ वर्षीय व्यक्तीचा मृत्यू झाला आहे. याप्रकरणी भारतीय न्याय संहिता कलम २८१, १२५ (बी) आणि १०६ (१) अंतर्गत गुन्हा नोंद करण्यात आला आहे.

या अपघातात रोशन मुजावर (वय ४१, शिरवई - केपे) या व्यक्तीचा मृत्यू झाला आहे.

पोलिसांनी दिलेल्या माहितीनुसार, रोशन मुजावर (GA 09 7980) या दुचाकीवरुन जात असताना मोहम्मद सरफराज (GA 08 AP 1165) याच्या दुचाकीसोबत धडक झाली. सरफराज दुसऱ्या वाहनाला ओव्हरटेक करत असताना त्याची दुचाकी रोशनच्या दुचाकीला धडकली. यात रोशन मुजावर गंभीर जखमी झाला.

अपघातात गंभीर जखमी झालेल्या रोशनचा मृत्यू झाला आहे. केपे पोलिसांनी याप्रकरणी भारतीय न्याय संहिता कलम २८१, १२५ (बी) आणि १०६ (१) अंतर्गत गुन्हा नोंद केला आहे. पोलिस अधिक तपास करताहेत.