PM Narendra Modi: पंतप्रधान नरेंद्र मोदी येत्‍या 6 फेब्रुवारी रोजी गोव्‍यात येत आहेत. त्‍यांच्‍या या भेटीचे औचित्य साधून भाजपने भव्य सार्वजनिक रॅलीची आयोजन केले आहे.

मोदींच्‍या भव्य सभेला केपे मतदारसंघातून एक हजारावर भाजप समर्थक उपस्थित राहणार असल्याचे माजी उपमुख्यमंत्री व भाजपचे उपाध्‍यक्ष बाबू कवळेकर यांनी पत्रकारांशी बोलताना सागितले.

मोदी यांच्या सभेला मोठ्या संख्‍येने कार्यकर्त्यांना आणण्‍याचा विडा कवळेकर यांनी उचलला आहे. याबाबत विचारविनिमय करण्याच्‍या उद्देशाने कवळेकर यांनी कार्यकर्त्यांची व समर्थकांची बैठक घेऊन त्‍यांना मार्गदर्शन केले.

प्रत्येक प्रभागातून जास्तीत जास्त कार्यकर्ते व समर्थकांना मोदींच्‍या सभेला आणण्याची जय्यत तयारी कवळेकर यांनी केलेली आहे.

बेतुल येथे 6 ते 9 फेब्रुवारीदरम्यान होणाऱ्या भारतीय ऊर्जा सप्ताहाच्या उद्‍घाटन सोहळ्यासाठी 6 रोजी बेतुल येथे येणाऱ्या पंतप्रधान नरेंद्र मोदी यांची मडगाव येथे जाहीर सभा आयोजित करण्याचे नियोजन भाजपकडून करण्यात येत आहे. त्याविषयी प्राथमिक चर्चा पक्षाच्या गाभा समितीच्या बैठकीत आज झाली.