Goa AAP: दिल्लीचे उर्जा मंत्री सत्येंद्र जैन आणि आम आदमी पक्षाचे उमेदवार वाल्मिकी नाईक आणि इतर आप नेत्यांनी मंगळवारी पणजीसाठी आपचा (AAP) व्हिजन जाहीरनामा प्रसिद्ध केला, शहरासाठी महसूलाचे पर्यायी स्रोत निर्माण करण्याचे, सहामासिक प्रभाग सभा आणि पणजीला जागतिक दर्जाचे शहर बनविण्याचे आश्वासन दिले.

पणजी हे गोव्याचे राजधानीचे शहर आहे आणि पर्यटन स्थळांपैकी एक आहे. असे असले तरी पणजी हे आता राजधानीचे शहर असल्याचे दिसत नाही. त्यामुळे, आपचे पणजीचे उमेदवार वाल्मिकी नाईक यांनी शहराच्या पायाभूत सुविधांमध्ये सुधारणा करण्याचे व्हिजन तयार केले आहे, असे सत्येंद्र जैन (Satyendra Jain) म्हणाले. (Our goal is to make Panaji a world class city Satyendra Jain)

सध्या कॅसिनोवर (Casino) अवलंबून असलेल्या पणजीच्या अर्थव्यवस्थेचा विस्तार करणार्‍या महसुलाचे पर्यायी स्रोत निर्माण करण्याचे नाईकचे उद्दिष्ट आहे. वारसा स्थळे आणि पणजीच्या समृद्ध संस्कृतीचे जतन करून पणजीला एक कौटुंबिक पर्यटन स्थळ बनवणे हे त्यांचे ध्येय आहे अस आम आदमी पार्टीचे पणजीचे उमेदवार वाल्मिकी नाईक यांनी सांगितल

"2020 मध्ये जारी करण्यात आलेल्या इज ऑफ लिव्हिंग इंडेक्समध्ये असे नमूद करण्यात आले आहे की राहणीमानाच्या सहजतेवर पणजी 16 व्या क्रमांकावर आहे. राहणीमानाच्या सहजतेचा निर्देशांक जीवनाचा दर्जा, आर्थिक क्षमता, टिकाव आणि नागरिकांच्या धारणा यावर लक्ष केंद्रित करतो. पणजी शहराची आर्थिक क्षमता या बाबतीत फारच वाईट आहे.माझे ध्येय या पैलूंमध्ये सुधारणा करणे आणि पणजीला पहिल्या 10 मध्ये आणणे हे आहे,अस वाल्मिकी नाईक (Valmiki Naik) म्हणाले.

"सत्तेवर निवडून आल्यास पक्ष दर सहा महिन्यांनी प्रभाग सभा घेईल, खेड्यापाड्यात होणाऱ्या ग्रामसभांप्रमाणेच. आमदारांसोबत नगरसेवक, सार्वजनिक बांधकाम विभागाचे अधिकारी, पोलिस आणि स्मार्ट सिटीचे अधिकारी असतील अस नाईक यांनी सांगितले.

पणजी हे 175 वर्षे जुने शहर असून एकेकाळी नियोजित शहर होते, असे प्रतिपादन नाईक यांनी केले. जलकुंभांपासून ते ड्रेनेज व्यवस्थेपर्यंत सर्व काही नियोजनबद्ध होते. मात्र, आधुनिक काळात पणजीचा मोठ्या प्रमाणावर अनियोजित विकास होत आहे.

"वाढती बेरोजगारी, वारसा नष्ट होणे, पार्किंगची समस्या, वाहतूक कोंडी, पूर, खड्डेमय रस्ते आणि कॅसिनो हे पणजी मतदारसंघाचे मुख्य चिंतेचे विषय बनले आहेत. आज एकूण 1000 पणजीकर झोपडपट्ट्यांमध्ये राहतात अशी माहिती त्यांनी दिली

भाजप आणि बाबूश यांचे सर्वात मोठे खोटे म्हणजे नोकरीचे खोटे आश्वासन असल्याचे नाईक म्हणाले. त्यांनी पणजीच्या तरुणांना बेरोजगार ठेवून त्यांचे भवितव्य तर उध्वस्त केले आहेच, पण त्यांच्या चांगल्या भविष्याच्या आशाही धुळीस मिळवल्या आहेत.

"केवळ आमदार आणि त्यांच्या नगरसेवकांच्या नातेवाईकांच्या काही चमचांना कामावर ठेवण्यात आले आहे. मॉन्सेरात यांच्या स्वत: च्या मुलाला या पदासाठी कोणताही अनुभव किंवा गुणवत्ता नसतानाही, महापौरपद मिळाले आहे", अशी टीका नाईक यांनी केली.