पणजी: राज्यातील पावसाचा जोर काहीसा मंदावला असला तरी आज जाेरदार पावसाची शक्यता असल्याने गोवा वेधशाळेद्वारे ‘ऑरेंज अलर्ट’ जारी करण्यात आला आहे. गेल्या २४ तासांत राज्यात एकूण २५.१ मिमी पावसाची नोंद करण्यात आली आहे.

आतापर्यंत राज्यात एकूण २८७६.८ मिमी म्हणजेच ११३.२५ इंच पावसाची नोंद झाली आहे. राज्यात सरासरी पावसाच्या तुलनेत ४९.१ टक्के अधिक पाऊस झाला आहे. गेल्या २४ तासांत सांगेत ७३.७ मिमी, दाबोळीत ८ मिमी, जुने गोवात ९.८ मिमी, मुरगावात ११.२ मिमी, पणजीत १२.८ मिमी, पेडेणेत १३.४ मिमी, म्हापशात १५.४ मिमी, साखळीत २१ मिमी, काणकोणात २२ मिमी, फोंड्यात ३० मिमी, मडगावात ३३.६ मिमी, केपेत ४५ मिमी पावसाची नोंद करण्यात आली आहे.