Cyber Crime in Goa: राज्यात वाढलेल्या गुन्ह्यांना आळा घालण्यासाठी सरकारी यंत्रणा आणि पोलीस सदैव सतर्क असतात. मात्र तरीही गुन्हेगार नवनवीन कल्पना तयार करून गुन्हे करत असतात. नुकतेच साळगावमध्ये बक्षिसाचे आमिष दाखवून एकाला लुबाडल्याची घटना समोर आली आहे.

माहितीनुसार, साळगावमध्ये राहणाऱ्या एका व्यक्तीसोबत सायबर गुन्हा घडला असून यामध्ये त्याचे 3.08 लाखांचे नुकसान झाले असल्याचे समोर आले आहे.

ऑनलाईन फसवणूक होण्याचे प्रकार वाढले असून सायबर पोलीस याबाबत अॅक्शन मोडमध्ये आले आहेत. अशा वाढत्या घटनांच्या पार्श्वभूमीवर पोलिसांनी नागरिकांना कोणताही आर्थिक व्यवहार करताना आणि ऑनलाईन तपशील टाकताना अधिक काळजी घेण्याचे आवाहन केले आहे.