One-Way Traffic Starts On NH-66 Service Road From Patradevi To Bambolim

पणजी: राष्ट्रीय महामार्ग क्रमांक 66 (NH-66) वरील पत्रादेवी ते बांबोळी (गोवा मेडिकल कॉलेज) या दरम्यानच्या सर्व्हिस रोडवर आता एकमार्गी वाहतूक सुरु करण्यात आली आहे. गोवा सार्वजनिक बांधकाम विभागाने (PWD) यासंबंधी अधिसूचना जारी करुन माहिती दिली.

सार्वजनिक बांधकाम विभागाकडून जारी करण्यात आलेल्या अधिसूचनेनुसार, NH-66च्या मुख्य मार्गावरील वाहतुकीच्या (Transportation) दिशेनुसार संबंधित सर्व्हिस रोडवर देखील एकमार्गी वाहतूक सुरु करण्यात आली. राष्ट्रीय महामार्ग नियंत्रण अधिनियम, 2002 अंतर्गत हा निर्णय घेण्यात आल्याचे सांगण्यात आले.

सुरक्षित आणि सुरळीत वाहतूक व्यवस्था

कार्यकारी अभियंता ज्युड ए. डी. कार्व्हालो यांनी दिलेल्या माहितीनुसार, पत्रादेवी ते झुआरी पुलापर्यंतच्या NH-66 च्या प्रशासनाची जबाबदारी त्यांच्यावर सोपवण्यात आली आहे. पत्रादेवी ते बांबोळी या दरम्यानच्या सर्व्हिस रोडवर मुख्य मार्गावरील वाहतुकीच्या दिशेनुसार एकमार्गी वाहतूक सुरु करण्यात आली. ही वाहतूक व्यवस्था अधिक सुरक्षित आणि सुरळीत करण्याच्या दृष्टीने करण्यात आली असून, संबंधित वाहनचालकांनी या नव्या व्यवस्थेचे पालन करावे, असे आवाहन सार्वजनिक बांधकाम विभागाकडून करण्यात आले.