Lokotsav News 2024: सध्या पणजीमध्ये गोव्याची लोककला आणि संस्कृती जपणारा लोकोत्सव सुरू आहे. सगळीकडे आनंदाचे वातावरण असतानाच एक धक्कादायक घटना समोर आली आहे. आज (बुधवार) पहाटे लोकोत्सवातील एका स्टॉलधारकाचा मृत्यू झाला आहे.

उपलब्ध माहितीनुसार, मोहम्मद फिरोज असे स्टॉलधारकाचे नाव असून तो मूळचा उज्जैन, मध्यप्रदेश येथील रहिवासी आहे. त्याने लोकोत्सवातील एक स्टॉल मिळवला होता. कुटुंबासोबतच तो ही या स्टॉलवर असायचा.

आज सकाळी त्याला तीव्र हृदयविकाराचा झटका आल्याने जागीच गतप्राण झाले. त्यानंतर पोलिसांनी घटनास्थळी येऊन पंचनामा करून सदर मृतदेह शवचिकीत्सेसाठी गोवा वैद्यकीय महाविद्यालयात पाठवला आहे.

दरम्यान, शवचिकीत्सेनंतर मोहम्मद यांचा मृतदेह विमानाने अंत्यसंस्कारासाठी त्यांच्या मुळगावी मध्यप्रदेशात पाठवण्यात येणार आहे.