Canacona Accident: आज (26 जून) नगर्से-काणकोण हंगामी कार्यालयासमोर झालेल्या दोन दुचाकी अपघात पाळोळे येथील दुचाकीस्वार गंभीर जखमी झाला आहे. तर दुसरा गावडोंगरी येथील दुचाकीस्वारही जखमी झाला आहे.

दोघाही दुचाकीस्वारांना काणकोण सामाजिक आरोग्य केंद्रात प्राथमिक उपचार करून पुढील उपचारासाठी बांबोळी येथील GMC इस्पितळात दाखल करण्यात आले आहेत.

राज्यातील वाढत्या अपघातांमुळे सरकारची डोकेदुखी वाढली असून यावर आळा घालण्यासाठी वाहतूक विभाग सदैव प्रयत्नशील आहे.

दरम्यान, कालही (रविवार) एक अपघात घडला होता. सकाळी धडे सांवर्डे येथे ट्रकचा अपघात झाला. ट्रक रस्त्याच्या बाजूला कलंडल्याने झालेल्या अपघातात सुदैवाने कोणीही जखमी झाले नाही. अपघाताची माहिती मिळताच सांवर्डे पोलिस घटनास्थळी दाखल होऊन दोन क्रेनच्या सहाय्याने ट्रक बाहेर काढण्यात आला.