Goa Murder Case

गोव्यातून आणखी एक खूनाची घटना समोर आली आहे. पेडण्यातील तेरेखोल नदीत शनिवारी (दि.२०) सकाळी झारखंडच्या कामगाराचा मृतदेह आढळून आला. पोलिसांनी घटनास्थळी दाखल होत तपासणी केली असता खूनाचा संशय व्यक्त केला. अखेर सायंकाळी याप्रकरणी पेडणे पोलिसांनी खूनाचा गुन्हा नोंद केला आहे.

पिळर्ण-पर्वरीत रेहबर खान या उत्तरप्रदेशातील युवकाचा खून झाल्याची घटना ताजी असताना आणखी एक खूनाची घटना समोर आली आहे. सलूनमध्ये काम करणाऱ्या रेहबर खानचा खून करुन त्याचा मृतदेह पर्वरीतील ऑडिट भवन येथे फेकून देण्यात आला होता.

याप्रकरणी पोलिसांनी मुख्य संशयित विकास यादव याच्यासह आणखी सहा जणांना अटक केलीय. सर्व संशयितांना पोलिस कोठडी सुनावण्यात आली आहे. रेहबर खानचा ट्रव्ह ट्रँगल प्रकरणातून खून झाल्याची प्राथमिक माहिती समोर आली आहे.

दरम्यान, तेरेखोल नदीत झारखंडच्या कामगाराचा मृतदेह आढळल्याने त्याचा देखील खून झाल्याचा संशय व्यक्त केला जात आहे.

वाडे-दाबोळीतील लैंगिक अत्याचार आणि खून प्रकरण

वाडे-दाबोळी येथे पाच वर्षीय मुलीवर लैंगिक अत्याचार करून खून केल्याची घटना उघडकीस आली होती. या प्रकरणात दोन आरोपींना बलात्‍कार आणि खुनाच्या आरोपाखाली अटक केली होती, त्‍यांची रवानगी न्‍यायालयीन कोठडीत करण्‍यात आलीय.