मडगाव : रेल्वेमधून प्रवास करत असताना एका महिलेची लूट करण्यात आल्याचा प्रकार उघडकीस आला आहे. सोन्याचे दागिने आणि रोख रक्कम असे मिळून एकंदरीत 5.20 लाख ऐवज असलेले बॅग लंपास करण्यात आली आहे. याबाबतची तक्रार कोकण रेल्वे पोलीस स्थानकात नोंद झाली आहे.

(One Held by Konkan Railway Police for Robbery in Train)

संबंधित महिला कोईम्बतूर एक्स्प्रेस मधून प्रवास करत होती. दुपारच्या वेळी 3.30 वाजता सोन्याच्या रिंग, सोनसाखळी, रोख रकमेसहित इतर मौल्यवान वस्तू असलेली तिची बॅग चोरण्यात आल्याची असल्याची माहिती पोलीस तक्रारीत नमूद करण्यात आली आहे . या वस्तूंची एकंदरीत किंमत अंदाजे 5.20 लाख रुपये अशी असून एका अज्ञात व्यक्तीने या वस्तूंची चोरी केली असल्याचे तिने तक्रारीत नमूद केले आहे.

ही महिला आपल्या कुटुंबासमवेत अहमदाबाद ते कन्नूर या ठिकाणी प्रवास करीत होती. या प्रकरणी कोकण रेल्वे पोलिसांनी भादंसं 356, 379 कलमानुसार गुन्हा दाखल केला आहे. दरम्यान कोकण रेल्वे पोलिसांनी अस्लम कालेगर या वास्कोमधील एका संशयिताला अटक केली आहे. पोलिसांनी महिलेची तब्बल साडेपाच लाख रुपयांची लूट केल्पाप्रकरणी संशयिताची चौकशी सुरु केली आहे.