मडगाव: सांजाव साजरा करण्यासाठी विहिरीत मारलेली उडी डोंगरी नावेली येथील आशिष रॉड्रिग्स या 19 वर्षीय युवकाच्या जीवावर बेतली. या धाडसात त्याचा प्राण गेला. ही दुर्घटना आज शुक्रवारी दुपारी 4 च्या सुमारास घडली.
(One drowned while celebrating Sao Joao in goa)

डोंगरी नावेली येथे काही युवक सांजाव साजरा करण्यासाठी विहिरीवर आले. या युवकांबरोबर आशिषनेही विहिरीत उडी घेतली. पण तो वर आलाच नसल्याचे समोर आले. शेवटी अग्निशमन दलाच्या जवानांच्या मदतीने त्याचा मृतदेह पाण्यातून वर काढण्यात आला.

सांजावचा सण 24 जून रोजी साजरा केला जातो. पण आज जेजुच्या पवित्र हृदयाचे फेस्त असल्याने काही ठिकाणी हा काल उत्सव साजरा करण्यात आला.

'कोविड' महामारीच्या संकटामुळे निर्बंध आल्याने मागील वर्षी गोव्यातील काही भागात 'सांजाव' वर्षपध्दतीप्रमाणे मोठ्या धुमधडाक्‍यात साजरा करण्यात आला नाही. त्यामुळे सांजाव गीत आणि 'व्हीवा सांजाव 'चा जोष दिसून आला नाही. ख्रिश्‍चन बांधवांनी ' सांजाव ' उत्सव धुमधडाक्‍यात साजरा केला नसला, तरी पारंपरिक रितीरिवाज मात्र केला होता.