आज दि. 29 जून रोजी कर्नाटक येथील उत्पादन शुल्क विभागाने मोठा अवैद्य दारु साठा जप्त केला आहे. या कारवाईमध्ये गोव्यातून दारूची वाहतूक करणारा ट्रक सिरसी येथे अडवला. व या ट्रकमधून एक कोटी रुपयांची अवैध दारू आणि तीन लाख रुपयांची रेक्टिफाइड स्पिरीट जप्त करण्यात आले असल्याची प्राथमिक माहिती समोर आली आहे. (One crore rupees worth of illicit liquor seized; Action on truck coming from Goa at Sirsi in Karnataka)

मिळालेल्या माहितीनुसार या कारवाईत कर्नाटकातील सिरसी नाक्यावर पोलीसांनी ट्रक चालकाला ही अटक केली आहे. याबरोबरच दुसऱ्याबाजूला शिवसेनेचे बंडखोर नेते एकनाथ शिंदे व इतर बंडखोर आमदार गोव्यात येत असल्याने महाराष्ट्रातील शिवसैनिकांनी गोव्यात येऊन निदर्शने करू नये यासाठी पत्रादेवी चेक नाक्यावर कडक पोलीस बंदोबस्त ठेवण्यात आला आहे. या चेक पोस्टवरुन गोव्यात येणाऱ्या वाहनांची कडक तपासणी पोलीसांनी सुरु केली आहे.

शिरोडा बसस्थानकात 1.30 लाखांच्या गांजासह स्थानिक तरुण पकडला

शिरोडा बसस्थानकाजवळ अंमली पदार्थाच्या छाप्यात पोंडा पोलिसांनी 1.30 लाख रुपयांच्या 1 किलो गांज्यासह एका स्थानिक तरुणाला अटक केली. 26 वर्षीय जॉय अंताव याला ड्रग्ज बाळगल्याप्रकरणी अटक करण्यात आली होती.