Vasco Crime: बोगमाळो येथे एकाने झाडाला गळफास लाऊन आत्महत्या केल्याची घटना समोर आली आहे. सोमवारी सकाळी हा मृतदेह पोलिसांनी ताब्यात घेतला. आत्महत्या केलेल्या व्यक्तीची अद्याप ओळख पटलेली नाही. शिवाय ही आत्महत्या आहे की घातपात याचा तपास पोलिस करत आहेत. वास्को पोलिसांत याबाबत गुन्हा दाखल झाला आहे.

वास्को पोलिसांनी दिलेल्या माहितीनुसार, संबंधित पुरूष व्यक्तीने स्वतःहूनच गळफास घेतल्याचा अंदाज आहे. त्याची ओळख अद्याप पटलेली नाही. संबंधित व्यक्तीचे वय 25 ते 30 वर्षे दरम्यान असू शकते. वास्को पोलिस ठाण्याचे पोलिस निरीक्षक कपिल नायक, पोलिस उपनिरीक्षक वैभव वळवईकर हे अधिक तपास करत आहेत.