म्हापसा : म्हापशातील एका मुलीने पूर्वाश्रमीच्या प्रियकराशी फारकत घेतली होती. तर नवीन प्रियकराशी सूत जुळवले होते. यामुळे पूर्वाश्रमीच्या प्रियकर क्रोधीत झाला.यातून त्याने 'त्या' पूर्वीच्या प्रियकराने स्वत:च्या प्रियसीशी मैत्री जुळवल्याच्या कारणावरून तिच्या नवीन प्रियकराला मारहाण केली. याप्रकरणी म्हापसा पोलिसांनी परस्पर विरोधी गुन्हा नोंद केला आहे.

याप्रकरणी मिळालेली माहिती अशी की, एका मुलीच्या जुन्या प्रियकराने म्हापसा येथील अलंकार थिएटरजवळील एका फास्टफूड आस्थापनात घुसून फास्टफूडचालक (Fastfood) व त्याच्या मित्रावर हल्ला केला. याप्रकरणी म्हापसा (Mhapsa) पोलिसांनी परस्पर विरोधी गुन्हा (Crime) नोंद केला असून, गौस ऊर्फ शाहरूख खान (धुळेर), तसेच मेहबूब खान पठाण व हुसेन खान पठाण (दोघेही आकय) या तिघा संशयितांना अटक केली आहे. या दोन्ही तक्रारींच्या आधारे म्हापसा पोलिसांनी परस्पर विरोधी गुन्हे दाखल केले आहेत. या गुन्ह्यांना अनुसरून मंगळवारी पहाटेच पोलिसांनी (Police) तिन्ही संशयितांना पकडून अटक केली. या प्रकरणाचा तपास पोलिस निरीक्षक निनाद देऊलकर यांच्या मार्गदर्शनाखाली उपनिरीक्षक बाबलो परब व साहाय्यक उपनिरीक्षक रिकी फर्नांडीस करीत आहेत.