मडगाव : सासष्टीतील एका गावातील अल्पवयीन मुलीवर बलात्कार केल्याच्या आरोपाखाली मायणा कुडतरी पोलिसांनी जगदिश मुदलकर (31) याला अटक केली आहे.

या प्रकरणी सदर पीडितेच्या आईने तक्रार दिली होती. काल रात्री त्याला अटक करण्यात आल्याची माहिती उपनिरीक्षक दीपा देयकर यांनी दिली. त्या पीडितेच्या तपासणीसाठी तिला गोमेकॉ इस्पितळात पाठवून दिल्याची माहिती पोलिसांनी दिली. (One arrested for sexual assualting a minor girl in goa)

दरम्यान, भाटले - पणजी येथील एका चिकन सेंटर दुकानदाराने दोन अल्पवयीन मुलींना आमिष दाखवून त्यांना दुकानात कोंडून विनयभंग केल्याप्रकरणी संशयित तन्वीर अहमद याला काल गुरुवारी संध्याकाळी पणजी पोलिसांनी अटक केली. त्याला पोलिस कोठडीसाठी न्यायालयात उभे करण्यात येणार असल्याची माहिती पोलिसानी दिली.