पणजी: अंमली पदार्थ विरोधी पथकाने आज पहाटे धुळेर - म्हापसा येथे गस्तीवर असताना कामुर्ली बार्देश येथील फैयाज नदाफ (27) या तरुणाला अटक करून त्याच्याकडून एक किलो गांजा, 120 ग्रॅम हशिश तेल जप्त केले.

(One arrested at mapusa with drugs worth 2 lakhs)

या अंमलीपदार्थाची आंतरराष्ट्रीय बाजारपेठेतील किंमत सुमारे 2.20 लाख रुपये असल्याची माहिती या कक्षाचे उपअधीक्षकांनी दिली. गेल्या काही दिवसांपासून पोलिसांनी ड्रग्जविरोधी मोहीम सुरू करून किनारपट्टी परिसरात तसेच शहरामध्ये ड्रग्जचा व्यापार करणाऱ्यांचा शोध घेऊन कारवाई सुरू केली आहे.

आज म्हापसा येथे पोलिस गस्तीवर असताना धुळेर येथे एका तरुणाला ताब्यात घेऊन केलेल्या झडतीत त्याच्याजवळ ड्रग्ज आढळून आले. त्याने हे ड्रग्ज विक्रीसाठी आणले होते. अशी ही माहिती समोर आली आहे.

अवैध धंद्यांना कोणत्याही परिस्थितीत थारा देणार नाही - मुख्यमंत्री

गेल्या काही दिवसात राज्याचे मुख्यमंत्री प्रमोद सावंत यांनी म्हटले होते की, राज्यातील अमली पदार्थ अन् अवैध धंद्यांना कोणत्याही परिस्थितीत थारा देणार नाही. यासाठी राज्य सरकार पुर्ण प्रयत्न करणार असून या धंद्याना समूळ नष्ट करण्यासाठी प्रयत्नशिल आहे.

ज्या - ज्या ठिकाणी असे प्रकार घडत आहेत. अशी माहिती समोर आल्यास तात्काळ अशा प्रकारांना आळा घालण्यासाठी राज्य सरकार प्रयत्नशिल असल्याची माहिती त्यांनी दिली होती. मात्र पुन्हा असे प्रकार समोर येत आहेत. त्यामूळे राज्य सरकार काय भुमिका घेणार हे पाहणे महत्त्वाचे ठरणार आहे.