Goa Traffic Police गोव्यात अपघातांचे प्रमाण दिवसेंदिवस वाढत असून ट्राफिक पोलीस अपघात रोखण्यासाठी मोठ्या शिकस्तीने प्रयत्न करीत आहेत. वाहतूक नियमांचे उल्लंघन करणाऱ्यांविरोधात पोलीस सक्रिय झाले असून याचा प्रत्यय आज काणकोणात बघायला मिळाला. वाहनांवरील हाय पॉवर लाईट्स विरोधात काणकोण ट्राफिक पोलिसांनी कारवाई करण्यास सुरुवात केली.
रात्रीच्या वेळी तीव्र प्रकाशझोतामुळे अपघात होण्याचे प्रमाण वाढले असून अशा घटना टाळण्यासाठी ट्राफिक पोलीस आता अक्शन मोडवर आहेत. कंपनीतून मिळणाऱ्या लाईट्स शिवाय एक्सट्रा लाईट बसवणाऱ्यांवर ही कारवाई करण्यात आलीय.
गोव्यात आलेल्या कर्नाटकातील टेम्पो ट्रॅव्हलर, माल वाहक अशा काही वाहनांवर कारवाई करण्यात आली. यावेळी वाहनचालकांकडून कोणताही दंड वसूल न करता केवळ त्यांच्याकडून वाहनावरील लाईट्स काढून त्यांना समज देण्यात आली.
यापुढे ही कारवाई अशीच सुरु ठेवण्यात येणार असून लहान-मोठ्या गाड्यांवर ही कारवाई करण्यात येणार असल्याची माहिती काणकोण ट्राफिक पोलिसांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.