मडगाव : आगामी गणेशचतुर्थी तसेच उत्सवाच्या अनुषंगाने दक्षिण गोव्याचे पोलिस अधीक्षक अभिषेक धनिया यांनी मडगाव बाजारातील सराफ तसेच न्यू मार्केट ट्रेडर्स असोसिएशनच्या पदाधिकाऱ्यांशी बैठक घेऊन सुरक्षा उपायांबाबत काही सूचना केल्या.

यावेळी पोलिस उपअधीक्षक भूषण शिवेंदू, पोलिस निरीक्षक, तुळशीदास नाईक, न्यू मार्केट ट्रेडर्सचे विनोद शिरोडकर व गोपाळ नाईक उपस्थित होते.

यावेळी विविध बाबींवर चर्चा झाली. बैठकीत सराफांना त्यांच्या आस्थापनात व परिसरात सीसीटीव्ही व्यवस्था करणे, खासगी सुरक्षा तैनात करणे यांसारख्या सूचना केल्या. त्या मान्य करून त्यांनी मार्केट परिसरात पोलिस बुथसाठी जागा उपलब्ध करण्याचे आश्वासन दिले.