Goa Corona Case: राज्यातील कोरोनाची संख्या कालच्या (शनिवारी) 60 वरून रविवारी 57 वर आली. संख्या कमी होत असली तरी नव्याने पाच रुग्णांची त्यात भर पडली आहे. राज्य आरोग्य संचालनालयाने जारी केलेल्या आकडेवारीनुसार ही माहिती पुढे आली आहे.

कोरोनाच्या नव्या व्हेरियंटचा परिणाम राज्यात दिसून आला आहे. नऊजणांना होम गृह अलगीकरणात ठेवण्यात आले आहे, तर 251 जणांचे नमुने तपासणीसाठी घेण्यात आलेले आहेत.

दरम्यान, सरत्या वर्षाला रामराम करण्यासाठी आणि नववर्षाच्या स्वागतासाठी राज्यात पर्यटकांची मोठी गर्दी झाली आहे. त्याअनुषंगाने कोविडचे रुग्ण वाढण्याची शक्यता वर्तविण्यात येत होती, पण आज उपलब्ध झालेल्या आकडेवारीनुसार कोविडचे रुग्ण अधिक वाढले नसल्याचे स्पष्ट झाले आहे.