Crime in Margao Goa: मडगाव येथे 2002 साली ताजुद्दिन नुरानी यांच्या घरावर घातलेल्या दरोड्यानंतर फरार झालेल्या हबीब अहमद (59) याला मडगाव पोलिसांनी तब्बल 20 वर्षांनंतर बिजनोर-उत्तर प्रदेश येथे अटक करून गोव्यात आणले.

मडगाव येथे दिवसाढवळ्या हा धाडसी दरोडा घातला होता. घटनेच्या बऱ्याच कालावधीनंतर मडगाव पोलिसांनी सात जणांना अटक केली होती.

मात्र, संशयित पोलिसांच्या हाती लागला नव्हता, तो उत्तर प्रदेशमध्ये राहात असल्याची माहिती पोलिसांना मिळाल्यावर त्याला तिथे जाऊन ताब्यात घेण्यात आल्याची माहिती मडगाव येथील पोलिस निरीक्षक तुळशीदास नाईक यांनी दिली.

या दरोडा प्रकरणातील इतर आरोपींना न्यायायलाने यापूर्वीच शिक्षा ठोठावली आहे. आता या संशयिताविरोधातही सुनावणी चालू होणार आहे.