Chicalim Vasco: चिखली वास्को चढावावरती बिगर गोमंतकीयाची मासळी विक्री सुरु आहे. मासळी विक्रेत्यांचा येथे कायमस्वरूपी बस्थान ठोकण्याचा प्रयत्न सुरू आहे असा आरोप स्थानिकांनी केला. पालिका आणि पोलिसांनी याबाबत योग्य ती कारवाई करावी अशी मागणी स्थानिकांकडून होत आहे.

वाडे ते चिखली वाहतूक रहदारीने गजबजलेल्या या राष्ट्रीय महामार्गावर मध्यंतरी चढावावरती गेल्या काही महिन्यापासून बिगर गोमंतकीय महीला मासळी विक्री करत आहे. महिलेचा याच ठिकाणी बस्थान ठोकण्याचा प्रयत्न सुरू आहे असा आरोप स्थानिक करत आहेत.

बिगर गोमंतकीय मासळी विक्रेत्यांनी अशा प्रकारे अनेक ठीकाणी बस्थान ठोकून रहदारी तसेच पादचाऱ्यांना आडकाठी निर्माण केली आहे. त्यांना आता तिथून हलवणे पालिकेला तसेच पोलिसांनाही जड झाले आहे.

दरम्यान या महामार्गावरून शेकडो वाहनांची रहदारी चालू असते. एखाद्या अपघातास देखील ही मासळी विक्रेता कारणीभूत ठरेल अशी शक्यता उपस्थित केली जात आहे. मागील बऱ्याच काळापासून महिलेला या जागेवरून हटविण्याची मागणी नागरिकांकडून तसेच वाहन चालकांकडून होत आहे.

यावर पालिकेने तसेच पोलिसांनी योग्य ती कारवाई करुन ही बळकावलेली जागा मोकळी करावी अशी मागणी स्थानिक करत आहेत.