ESMA For Pharma Companies: गोव्यातील फार्मा कंपन्यांतील कर्मचाऱ्यांसाठी एस्मा (अत्यावश्यक सेवा देखभाल कायदा) लागू करण्यात आला असून, पुढील सहा महिने कर्मचाऱ्यांना संप करता येणार नाही.

मिळालेल्या माहितीनुसार, गोव्यातील अत्यावश्यक सेवा देखभाल कायद्याअंतर्गत फार्मा कंपन्यांतील कर्मचाऱ्यांना पुढील सहा महिने संप करता येणार नाही.

औषध निर्मिती ही अत्‍यंत महत्त्‍वाची बाब असल्‍याने फार्मा कंपन्‍यांमधील कर्मचाऱ्यांना संप करण्‍यास मज्जाव करण्यासाठी राज्‍य सरकारने ‘एस्‍मा’ लागू केला आहे.

गोव्यातील एस्मा कायदा (1988) कंपनीतील कर्मचाऱ्यांना संप घेण्यापासून प्रतिबंध करतो. तसेच, या कायद्याचे उल्लंघन केल्यास कारवाईची तरदूत यात करण्यात आली आहे.

गोवा राज्य फार्मा हब म्‍हणून ओळखले जाते. गोव्यात अनेक फार्मा कंपन्या कार्यरत आहेत. कोरोना महारोगराई काळात देशता तयार होणाऱ्या लसींपैकी अनेक लसींचे मोठ्या प्रमाणातील उत्पादन गोव्यातील कारखान्यांमधून तयार करण्यात आले होते.