पणजी: दिवसेंदिवस महागाईचा भडका वाढत चालला असून सर्वसामान्य तसेच मध्यमवर्गीय लोकांना आपला उदरर्निवाह करणे कठीण झाले आहे. इंधनाच्या दरवाढीचा प्रभाव अप्रत्यक्षपणे गोमंतकीय जनतेच्या खिशावर पडत आहे. मासळीचे दरही वाढले आहेत. मात्र गेल्या आठवड्यात जे मासळीचे दर होते, त्यात काही विशेष बदल झालेला नाही. आज पणजी बाजारात बांगडे, तार्ली, वेर्ली, कोळंबी, इसवण, पापलेट, टोकी आदी विविध प्रकारची मासळी उपलब्ध होती. (Goa fish market news updates)

दिवसेंदिवस इंधनाच्या किमतीत वाढ होत असल्याने भाजीपाला, मासळी तसेच इतर वस्तूंच्या किमतीत वाढ होण्याची शक्यता नाकारता येत नाही. कारण ज्यावेळी इंधनाच्या दरांचा भडका उडतो त्यावेळी सर्व वस्तू महागतात किंवा महाग केल्या जातात हा आजवरचा इतिहास आहे.

मासळी दर प्रतिकिलो

तारली : 150

बांगडे : 150-200

टोकी : 100-150

समुद्री खेकडे : 200

लेपो : 350-400

कर्ली : 350

माणकी : 400

वेर्ली : 400

कोळंबी : 200-600(आकाराप्रमाणे)

पापलेट : 900-1000

इसवण : 750-800