No Pay Parking In Panaji:

पणजी महानगरपालिकेने शहरातील पे पार्किंग शुल्क आकारणी बंद करण्याचा निर्णय घेतला आहे. रविवार (दि.२४ मार्च) ते येत्या ३१ मे २०२४ पर्यंत वाहनांवर पार्किंग शुल्क आकारले जाणार नाही, अशा सूचना पालिकेचे महापौर रोहित मोन्सेरात यांनी दिल्या आहेत.

पणजीत इमॅजिन स्मार्ट सिटीची कामे प्रगतीपथावर आहेत. कामे वेळेत पूर्ण करण्यासाठी सध्या सर्व यंत्रणांवर दबाव आहे. त्यामुळे भूमीगत ड्रेनेज तसेच केबलिंग काम करण्यासाठी रस्ते खोदले जात आहेत. स्मार्ट सिटीची कामे 31 मे पर्यंत पूर्ण करण्यासाठी अंतिम मुदत आहे.

भूमीगत कामासाठी रस्ते खोदले जाणार आहेत, त्यामुळे पे पार्किंग शुल्क आकारणी बंद करण्याचा निर्णय घेण्यात आल्याची प्राथमिक माहिती समोर आली आहे.