देशात कोरोनाचा ओमिक्रॉन व्हेेरिएंट धुमाकूळ घालत आहे. त्यामुळे पुन्हा एकदा कोरोना रुग्णांच्या संख्येत वाढ होऊ लागली आहे. देशातील अनेक राज्यांनी कोरोना निर्बंध लावण्यास सुरुवात केली आहे. मात्र गोव्यात नाईट कर्फ्यू संबंधी निर्णय योग्य वेळ आल्यास घेतला जाणार असल्याचे राज्याचे मुख्यमंत्री प्रमोद सावंत (Chief Minister Pramod Sawant) यांनी म्हटले आहे.

मुख्यमंत्री प्रमोद सावंत म्हणाले की, ''पर्यटन राज्य असल्याने सरकार रात्री कर्फ्यूबाबत घाईघाईने निर्णय घेऊ शकत नाही. राज्यात कोरोना रुग्णांची संख्या आणि पॉझिटीव्हीचे प्रमाण वाढत राहिल्यास निर्बंधांबाबत निर्णय 3 जानेवारीला टास्क फोर्सच्या बैठकीनंतर घेतला जाईल. लोक लसीकरणासाठी पुढे येत नसल्यास राज्य सरकार लसीकरण अनिवार्य करण्याचा विचार करेल.''