Goa University Cancelled LLB Admission Entrance: कारे महाविद्यालयाच्या प्राचार्यांनी साबा डा सिल्वा यांनी पुत्राला प्रवेश मिळावा यासाठी परीक्षा पद्धतीत बदल केल्यामुळे यंदाची बीए एलएलबी प्रवेश परीक्षा घोटाळा गाजला. कारे कॉलेजकडे प्रवेश परिक्षेची जबाबदारी होती. आता संबंधित प्राचार्यांवर निलंबनाची कारवाई करण्यात आली आहे.

दरम्यान, गोवा विद्यापीठाने शुक्रवारी नव्याने फेर प्रवेश परीक्षा घेण्याचा निर्णय रद्द केला. यापुर्वी विद्यापीठाने आधीची संपूर्ण प्रवेश प्रक्रिया रद्द करत 6 ऑगस्‍ट रोजी नवीन प्रवेश परीक्षा घेण्‍याचा आदेश दिला होता. आता तो मागे घेतला गेला आहे. त्यामुळे 180 विद्यार्थ्यांना दिलासा मिळाला आहे.

दरम्यान, अतिरिक्त जागा वाढविण्याची मागणीही मान्य झाल्याचे समजते. त्यानुसार आता बारावीच्‍या गुणांची अर्धी टक्‍केवारी आणि प्रवेश परीक्षेतील गुणांची अर्धी टक्‍केवारी धरून नवीन प्रवेशयादी बनवली जाणार आहे.