Village Panchayat Dabal - Kirlapal : किर्लपाल दाबाळ पंचायतीच्या सरपंच रुख्मिणी गावकर यांच्या विरूद्ध सोमवारी अविश्वास ठराव दाखल करण्यात आला आहे. या ठरावावर 9 पंच सदस्यांपैकी 6 पंच सदस्यानी सह्या केल्या आहेत. आज सहा पंच सदस्यांनी ग्रामपंचायतीच्या सचिवांकडे हा अर्ज सुपूर्द केला.

अविश्वास ठराव दाखल करण्याची कारणे यावेळी पंच सदस्यांनी सांगितले. गावच्या महत्वाच्या विकास कामांच्या निर्णयांमध्ये सरपंच रुख्मिणी गावकर पंच सदस्यांना विश्वासात घेत नाहीत. तसेच सरपंच गावकर महिन्यातून एकच मिटींग घेवून पंचायतीचा सर्व कारभार घरातून चालवत असल्याचा आरोपही त्यांनी केला.

गावात विकासकामे झाली नसल्याने जनता पंचांना दोष देत आहे. पंचायतीचा कारभार असाच सुरु राहीला तर गावचा विकास होणार नाही. त्यामुळे आम्ही सरपंच रुख्मिणी गावकर यांच्या विरूद्ध अविश्वास ठराव दाखल केल्याचे पंचांनी सांगितले.