देशात गोव्यासह (Goa) पाच राज्यांमध्ये आगामी काळात विधासभा निवडणुका (Assembly Elections) होणार आहेत. यासाठी सर्वच राजकीय पक्षांनी कंबर कसली आहे. यातच गोव्यात सत्तेत असलेल्या भाजपने (Bjp) पुन्हा सत्ता मिळविण्यासाठी आपल्या राजकीय प्रचाराचा श्रीगणेशाही केला आहे. पक्षाने गोवा प्रभारी म्हणून महाराष्ट्र विधानसभा विरोधी पक्षनेते देवेंद्र फडणवीस (Devendra Fadnavis) यांच्यावर जबाबदारी सोपवली आहे. यातच आता फडणवीसांच्या टीममध्ये आणखी दोन महाराष्ट्रातील नेत्यांची एन्ट्री झाली आहे. या निमित्ताने या दोन्ही नेत्यांना गोवा विधानसभा निवडणुकांच्या प्रचारामध्ये पंतप्रधान मोदी आणि देवेंद्र फडणवीस यांच्याबरोबर काम करण्याची संधी मिळणार आहे. भाजप आमदार आणि नारायण राणे यांचे सुपुत्र नितेश राणे (Nitesh Rane) यांची गोवा विधानसभा निवडणुकांच्या प्रचारात फडणवीस यांना मदत करणार आहेत.

दरम्यान, मगोच्या उमेदवारांची पळवापळवी करत असल्याचा आमदार सुदिन ढवळीकर (Sudin Dhavalikar) यांनी केलेला आरोप खोटा व बिनबुडाचा आहे. उमेदवारांची त्याची गरज नाही. भाजप हा राष्ट्रीय पक्ष असून सर्व धर्माच्या लोकांना एकत्र घेऊन पुढे जाणारा पक्ष आहे. जर त्यांना निवडणुकीपूर्वी उमेदवारांना सांभाळता येत नाही तर ते निवडणुकीनंतर आमदारांना कसे सांभाळणार असा टोला भाजप प्रदेशाध्यक्ष सदानंद तानावडे (BJP state president Sadanand Tanawade) यांनी मारला.