NIT Goa: नॅशनल इन्स्टिट्यूट ऑफ टेक्नॉलॉजी (NIT), गोवा येथील बीटेक प्रोग्रामचे विद्यार्थी आता भारतीय ज्ञान प्रणाली आणि नाट्यशास्त्र संबधित अभ्यासक्रमांचा समावेश केला जाणार आहे.

शैक्षणिक वर्ष 2023-24 पासून राष्ट्रीय शैक्षणिक धोरण (NEP) 2020 लागू केले जाणार आहे.

"नवीन अभ्यासक्रमात आरोग्य, योग, वैदिक गणित, वैदिक साहित्यातील विज्ञान आणि तंत्रज्ञान, व्यावसायिक नैतिकता आणि मानवी मूल्ये यासारख्या भारतीय ज्ञान प्रणालीशी संबंधित अभ्यासक्रमांचा समावेश आहे.

पुढील वर्षी, 'प्राचीन आर्थशास्त्र' नावाचा अभ्यासक्रमाचा समावेश केला जाईल. यात कौटिल्यच्या अर्थशास्त्राद्वारे भारतीय दृष्टीकोन या अभ्यासक्रम शिकवला जाईल, अशी माहिती एनआयटी गोवाचे संचालक प्रा. ओमप्रकाश जैस्वाल यांनी एका इंग्रजी वृत्तपत्राला दिली.

वैविध्यपूर्ण विषयांची विद्यार्थ्यांना ओळख करून दिल्यास त्यांचा तणाव कमी होण्यास मदत होईल, असेही जैस्वाल म्हणाले.

राष्ट्रीय शैक्षणिक धोरणाचा एक भाग म्हणून, विद्यार्थ्यांना इतर अभियांत्रिकी विभागातील विषयांचा अभ्यास करण्याची परवानगी मिळणार आहे. सामान्यत: विद्यार्थी एका सत्रात सहा विषयांचा अभ्यास करतात, परंतु उच्च वर्गात गेल्यावर सहा विषयांचे पाच विषय होतात आणि एका विषयासाठी जागा रिकामी असते.

या एका विषयाच्या ठिकाणी विद्यार्थी इतर विषयांचा अभ्यास करु शकेल. उदाहरणार्थ, यांत्रिक अभियांत्रिकीमधील बीटेकचा विद्यार्थी इतर विषय म्हणून संगणकीय गणिताचा अभ्यास करू शकतो.