फातोर्डा: गोमन्तक आणि सकाळ माध्यम समूहाच्या यंग इन्स्पिरेटर्स नेटवर्कतर्फे पुण्यातील एपी ग्लोबले संस्थेच्या प्रशिक्षण आणि कौशल्य विकास विभागाचे मुख्य कार्यकारी अधिकारी तसेच शैक्षणिक क्षेत्रातील मार्गदर्शक निनाद पानसे यांचा करियर मार्गदर्शनाचा कार्यक्रम फातोर्डा येथील डॉन बॉस्को अभियांत्रिकी महाविद्यालयात आज पार पडला.

21 व्या शतकात अभियांत्रिकी क्षेत्रातील करियरच्या संधींबाबत पानसे यांनी विद्यार्थ्यांना मार्गदर्शन केले. याप्रसंगी संस्थेचे संचालक फादर किनली डिक्रुझ, महाविद्यालयाच्या प्राचार्य डॉ. नीना पाणंदीकर, डॉ. श्रेयस सिमू आदी मान्यवर आणि विद्यार्थी मोठ्या संख्येने उपस्थित होते. प्रा. अमेय शेट तिळवे यांनी कार्यक्रमाचे सूत्रसंचालन केले तर अविला नाईक यांनी आभार मानले.